Le Travail

Ummo Ligo

Njonta njida hormeede taw an a wakilaaki

Suka so diinaani sabaabu alla hake wide jaaki

Burnude ngameela softeende yo jab alla nafoore

Mo miiji jabi wuuri hen yo jab dum hakilaani

Ko boobo majudo tooke joodoto ne fijje soore

Ko gorko kumpaado coono duumoto ne tiida hoore

Mo sikki gonal benni acciti juude wonti gamdo

ma sabito e nguura no feewi e nimsa duma woda paamdo

a topitaama gila ada famdi yetere allah a mawni

a wawi seerndude ko moyyi e ko boni a timmi gorko galle

a sikki a cakinaaki sa ligaaki galle jaaki

dolle baaba tampi he yo dollema kebbo gore

yiilo golle kala no waawi wade wad ha heddo

wujude fende yeeyde simme warde neddo

dofto diine ko mantoore fewnde wona yeru yota paado

DEBBO

Saha njiya jom bernde ngaa6iinde muk ne yone

Yaka ne wiya ko moyyi e ko boni fo mi subbo wonde

Goddo tina ko jebiliido gandudo fodemum

Joodo hinna kala ko allah waawi fawdemum

Aduna wadi ko boli pewi e bondi fo ko ko kawri

An sukka debbo won teyo sa boni ko an sowri

Gila sofde jikku bonde mbaadi ha no wade bido mbedda

A wonti hoyre besngu eba ko an min tawri

A woni belsindiido, ngurnuma ko tuuni

A yidi wonde bakiliido kono mbonkima koye bundi

A woni nembiniido belsindiido aroo6e mbiya ne nemba

cemba doole Ndogga ne ngabbo ko honoma en nduni

nedo fo ne wadi ne yiirete ha tengte debbo

no wiirete mbele ngona deydo teydo yuma pewdo

ko wona yaade ada laya ada waya no

lekki fiindudi mbonki dimo

...