Sonnet à Caliste De Malherbe Et Sonnet VI Du Bellay

François de Malherbe (1555-1628)

Sonnet à Caliste

Il n’est rien de si beau comme Caliste est belle :

C’est une oeuvre où Nature a fait tous ses efforts,

Et notre âge est ingrat qui voit tant de trésors,

S’il n’élève à sa gloire une marque éternelle.

La clarté de son teint n’est pas chose mortelle :

Le baume est dans sa bouche et les roses dehors

Sa parole et sa voix ressuscitent les morts,

Et l’art n’égale point sa douceur naturelle.

La blancheur de sa gorge éblouit les regards ;

Amour est en ses yeux, il y trempe ses dards,

Et la fait reconnaître un miracle invisible.

Las, où est maintenant ce mespris de Fortune?

Où est ce coeur vainqueur de toute adversité,

Cest honneste desir de l'immortalité,

Et ceste honneste flamme au peuple non commune?

Où sont ces doulx plaisirs, qu'au soir sous la nuict brune

Les Muses me donnoient; alors qu'en liberté

Dessus le verd tapy d'un rivage escuarté

Je les menois danser aux rayons de la Lune?

Maintenant la Fortune est maistresse de moy,

Et mon coeur qui souloit estre maistre de soy,

Est serf de mille maulx et regrets qui m'ennuyent.

De la posterité je n'ay plus de soucy,

Ceste divine ardeur, je ne l'ay plus aussi,

Et les Muses de moy, comme estranges, s'enfuyent.

Du Bellay, Les Regrets, 6

En ce nombre infini de grâces et d’appas,

Qu’en dis-tu ma raison ? crois-tu qu’il soit possible

D’avoir du jugement, et ne l’adorer pas ?

...